ГIемераб хIалтIи гьабизе ккана нилъеца, нилъерго бугебщинаб хIалбихьи, цере рук1араз нилъее тараб ирс, адабият, маданият, гIелму, гIакълу, цIиял методал, словарал, гIемерал тадбирал, берци-берцинал суратал, рагьарал дарсал, лъималазе, умумузе, учительзабазе ва авар мацI бокьулелщиназе кумекалъе материал жаниб лъураб, жавгьар-якъуталъул цIураб гъамас гIадаб гьаб сайт рагьизе.

Жеги нилъер гIемераб хIалтIи цебе буго. Миллаталъе ва мацIалъе гIоло кIвахI лъаларел гьацIул наял нилъги руго. ЖамагIаталъул газа кьурдаги рекIунилан абула магIарулаз.

Сахлъиги, жанги, жигарги кьеги нилъее тIаде босараб хIалтIи рагIалде бахъинабизе ва нилъерго борч тIубазе.

ХIурматгун Авар мацIалъул учительзабазул цолъиялъул председатель Баху МухIидинова.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.