Шамгъода школалда Халкъазда гьоркьосеб мацlалъул къо кlодо гьаби

Халкъазда гьоркьосеб мацlалъул къо кlодо гьабуна гьал къояз Шамгъода гьоркьохъеб школалда. Цебеккун хlадурараб хасаб планалда рекъон тlоритlана льималазул церерахъинал, рихьизаруна Цlадаса Хlамзатил, Р. Хlамзатовасул асаразда тlасан инсценировкаби. Кьуна мацlалда хурхарал рагьарал дарсал. Авар мацlалъул мугlалим Аксират Мухlамадгlалиевналъ гьеб кинабго нухда бачана берцинго, балагьаразул рекlелъе бортиледухъ. Гьеб киналъулго букlана аслияб мурад - рахьдал мацlалде рокьи цlикlкlинаби, гьеб, умумуз ирсалъе тараб хазина, тlаде гlун бачlунеб гlелалъ ясбер гlадин цlуни.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.