Гъоркьияб ЧIугIли росдал школалда рахьдал мацIалъул тадбир

21 февралалда Гъоркьияб Ч1уг1ли росулъ т1обит1ана Рахьдал мац1алъул къо к1одо гьабиялда хурхараб тадбир. Аслияб мурадлъун бук1ана лъималазул мац1алде рокьи ц1ик1к1инаби. Ц1алдохъабаз ах1ана ва рицана куч1дул. Бихьизабуна мац1 бокьизе ккеялда хурхараб сценка.
Гьенире рач1ана балагьизе маданияталъул х1алт1ухъаби, гьез гьеб тадбиралъе к1удияб къимат кьуна. Тадбир х1адур гьабуна ва нухда бачана гьеб школалъул авар мац1алъул муг1алим Хадаева Асият Мух1амадовнаялъ.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.