18 апрелалъ 51 лицеялъул авар мац1алъул муг1алим Базаева Зариятица, Мах1ачхъала шагьаралъул лъайкьеялъул управлениялъ кинабго къвариг1анщинаб техникаялдалъун хьезабун къач1араб методикияб кабинеталда жаниб, киналниги шагьаралъул рахьдал мац1азул учительзабазе махщалида бихьизабуна «Маг1арул мац1алда синонимал, антонимал ва амонимал» абураб темаялдасан дарс. Зарият йиго т1олго Россиялъул даражаялдаги рахьдал мац1алъул дарс кьезе бугеб махщел бихьизабун, т1оцебесеб бак1 босарай авар мац1алъул муг1алим – нилъер миллаталъе канлъи кьолеб гвангъараб чирахъ.

Мансуров Т1агьир Мухтаровичасул нухмалъиялда гъоркь, Мах1ачхъалаялъул лъайкьеялъул Управлениялъ к1удияб квар кьолеб буго рахьдал мац1азул дарсал школазда т1адег1анаб даражаялда кьеялде. Хьул буго бач1унеб ц1алул соналъ шагьаралда цониги рахьдал мац1азул дарсал кьолареб школа хут1иларилан.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.