Гьунаралъулги ГIакъиллъиялъулги чIагояб гIаламат. Гьесул «ТIадегIанал цIваби» - поэзиялъул зобазда кенчIолел цIвабзазда гьоркьор бищун гъвангъарал. Гьесул «Дир Дагъистан» - прозаялъул гIатIидаб ралъадалда гьелчолел карачелазул бищунго гучаб. Гьесул тIаса рищарал асарал – адабияталъул дунялалда бищунго рорхатал мугIрузул т1огьал.

Жиндир ШигIруялъ гьавураб ракьалъулги гIураб улкаялъулги гIорхъаби тарав ШагIир. Жиндир РагIиялъ дунялго хIайран гьабурав хIикматаб махщелалъул Устар. Жиндир Рокьиялъ гIадамазул ракIал мукIур гьарурав, тIабиг1ат- гIаламалдаго гьелъул тIорил мугьал тIирщарав Инсан.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.