РачIа, хIурматиял, Гъуниб магIарде!

15-16 июлалъ Гъуниб магIарда тIобитIизе  буго авар мацIалъул учительзабазул эркенаб руцIцIен  (слёт).  
Гьеб буго “Авар мацIалъул учительзабазул цолъи” гIуцIиялъ  лъагIалил хIалтIул хIасил гьабизе,
цIияб цIалул соналъе план гIуцIизе ва лъагIелалъ хIалтIун свакарал учительзабазе хIухьбахъиялъе гьабулеб тадбир.

Тадбир гIуцIиялъул сияхIалдаса цо-цо бутIаби:

Бищун лъикIал тIатинаризелъун гьарулел къецал
- миллияб ретIел-хьиталъе къимат кьей,
- магIарул кечI-бакъаналъе ва кьурдиялъе къимат кьей,
- умумузул некIсияб квен-тIехалъе  къимат кьей.

Спорталъул ва туризмаялъул къецал
- миллиял хIаял,
- торгIо кьаби,
- дугъал чIвай,
- цIа баки. Ва гь.ц.

РачIа, хIурматиял, Гъуниб магIарде, хIалтIулги бицине, хIухьги бахъизе!
Баху МухIидинова. Авар мацIалъул учительзабазул цолъиялъул нухмалъулей.

ХадурагIи.
ТIасияб соналъ гьадинабго руцIцIен (слёт) гьабизе буго къецазулъ бергьараб командаялъул районалда.