"МагIарулал ругел лъикIал гIадамал..."

Добавил(а): Аксират Ахмедова
Учитель аварского языка в МКОУ "Шангодинская СОШ"














"БакIал къваридалъур ракIал гIатIидал" магIарулал рукIин лъикIал гIадамал бихьана 13 январалда МахIачхъалаялда "Миллат" газеталъул гьитIинабго рокъор кIикъогоялдаса цIикIкIарав чи Баху МухIидиновалъул ахIиялда гъоркь ракIариялдалъун. Сундеха данделъарал гьел гIадамал балеб гIазухъ балагьичIого, кьиндалил квачалъул хIисаб гьабичIого, щвараб гIодобкъоялъул лазат босичIого БежтIадерил борхалъудасаги Гъизляралъул рагIалдасаги гIунтIун рачIун? Рахьдал мацIалде бугеб рокьиялъ, ахираб заманалъ школазда гьелдехун хисун бугеб бербалагьиялъ ва цо кинаб букIаниги рекIее парахалъи бачIунеб хабар авар мацIалъул нус-нус учитель цолъизавизе хIалкIварай Баху Шамиловналъ щиб бицунебали гIенеккизе.
   Щивасул бадиб букIана суалияб ишара. Рахьдал мацI цIунулезул байрахъалда гъоркь дагьай цеегIанги лъай кьеялъул министерствоялда хIалтIулей йикIарай, гьанже КIаратIе кIудияб хъулухъалде ккарай Раисат ГIабдулбасирова ятиги ккана кIудияб рохел магIарул учительзабазе. Ниж рихьизе бокьун щварай йигилан салам кьезе жание яккана халкъияй шагIир ТубхIат, разияб гьимигун ва гьуинаб каламгун.
Сундулха бицараб данделъиялда? Щивасул батана рекIел къварилъи ва гIузраби, гьел ричIчIулеб ва кинаб бугониги гIакълу кьолеб бакIалда данделъун ругелъул цо-цоккун рехсана. Фазул ватIаналда гьелъул тадбирал гIурус мацIалда гьариялдалъун щиб бичIчIулеб бугеб нилъеда, шагьаралъулцин гурел мугIрузул районазда рахьдал мацIалъул тIахьал тIагIинаризе лъугьарал директорзабазда щиб абулеб нужеца, дие бокьун хисанин рахьдал мацIазул сагIтазул къадар цIалул планалдайилан лъугьарал хIакимазе кинаб кьолеб бугеб къимат???
Кинаб нилъеца кьуниги гьечIеб гурищха ургъел тIадчагIазе берцин рихьи гуреб! ТIадчагIазин абуни гьабулебщинаб бугилан ккола мацIги, цIарги, кьибилги нилъер маданияталъулго лъугIизабизе.
Халкъ - гьеб кIудияб къуват буго,амма кагътида хъвараб закон нахъе хъвагIазе гьелда бажаруларо. КIудияб хьул буго гьаб цолъияллъул къуваталдалъун, нилъее канаб чирахъ кодоб ккун цеехун уней Бахуцаги, методикияб рахъалъ квер ккун цере рачунев ХIайбула Вакиловасги тIамулел галаби нилъер лъикIлъиялде рачинилан.
Ассоциациялъул планал цере рахъана гьелъул нухмалъулей Баху Шамиловналъ, кинавниги чиясул пикруялда рекъон хIадурана лъагIалица гьабизе бугебщинаб, бичIчIизабуна кинабго мацIалда сверун бугеб ахIвал-хIал.
ЛъикIлъиялде хьулгун, хинаб асаргун, гьабизе бугебщинаб къалмидеги босун рахъ-рахъалде рикьана магIарулал.
 Кибго багьадурлъи бихьизабурал магIарулаз гьаб гъинги тIаса рехилеб батила!

                                                 ПатIимат КъурбангIалиева.


Бокьанищ? Бихье цойгидазда!

Добавлено: 14-01-2018, 14:46
0
400

Похожие публикации


Наверх