Мустахlикъал шапакъатал

Добавил(а): Патlимат Къурбаналиева
методист

Руго нилъер магIарулазда гьоркьор цIар рагIарал церехъаби гIемерал. Цоял  тIорщел цIикIкIун кьолел хурухъаби- ахихъаби,  машгьурал  кочIохъаби, махщел тIокIал устарзаби, пагьму бугел шагIирзаби. Амма магIарул мацI цIунизе гъазаваталъ рахъунел гIемерал гьечIо. Гьединаздасан  кколей кIиго магIарулалъул  цIар хъвазе бокьун буго кIудиял хIарпаздалъун :  Авар учительзабазул ассоциациялъул нухмалъулей Баху МухIидинова ва ТIолгороссиялъулалъулаб конкурсалда рахьдал мацIалъул мугIалимзабазда гьоркьоб тIоцебесеб бакI босарай, Гъизилюрт шагьаралъул анкьабилеб школалъул мугIалим Сарат МухIумаева.

КIвахI тун гьабураб хIалтIул хIасил гьечIого букIунаро. КIиго сон гурони гIуцIун бачIеб  Баху Шамиловналъ нухмалъулеб  ассоциациялъул кумек Гъизляралъул  хъутабаздаги  БежтIадерил гуржимугIрузул гIорхъодаги хIалтIулел рахьдал мацIалъул мугIалимзабазе   щвана. ТIолго Дагъистаналъулго школазул авар мацIалъул мугIалимзаби цолъиялде ахIана. Гьединго, эбел-инсуца рокъоб бицунареб, къватIиб гьудул-гьалмагъзабазда гьоркьоб рагIизе захIматаб магIарул калам роцIараб иццул лъел тIагIамгун цIалдохъабазул кIалдиб лъолей Сарат МухIумаеваги щивав мугIалимасе кумекалъе ятула.

22 августалъ Дагъистаналъул  бетIер Рамазан ГIабдулатIиповас  лъай кьеялъул хIалтIухъабазул совещаниялда  кьурал шапакъатазе гьей кIияйго мустахIикъай гьечIилан абулев чи ккеларо.

Баркула хIурматиял:

 Баху Шамиловна  МухIидинова – Почетный работник в сфере образования РФ

 Сарат МухIамадовна  МухIумаева-Заслуженный учитель Республики Дагестан

ТIегьайги нужер гIумру,  гIемерлъаги хадурккунги щолел шапакъатал,  къуват кьеги  жигаралда хIалтIул гIоркь ккун рукIине.

Бокьанищ? Бихье цойгидазда!

Баху Шамиловна МухIидинова – Почетный работник в сфере образования РФ Сарат МухIамадовна МухIумаева-Заслуженный учитель Республики Дагестан
Добавлено: 23-08-2017, 11:04
0
644

Похожие публикации


Наверх