"Умумузул нухалги к1очене риччач1ого..." абураб кутакалда берцинаб, пайдаяб тадбир т1обит1ана Унсоколо росдал гьоркьохъеб школалда. Тадбир г1уц1ун бук1ана г1исиназулги ч1ах1иязулги гъира баледухъ. Гьеб умумузул рук1а-рахъинги, г1адаталги, маданиятги рак1алде щвезабиялъул х1урматалда гьабулеб тадбир байбихьана радалго школалде нек1сияб , умумузул рет1елги рет1ун ц1алдохъабиги муг1алимзабиги рач1иналдалъун. Гьезухъ балагьун бер г1орц1улеб х1ал бук1инч1о. Киналго ц1алдохъабиги рук1ана кутакаб гъира-шавкъалда. Г1уц1ун рук1ана кванил, умумузул рук1арал т1аг1алабазул, ц1араг1алъул столал. Ц1алдохъабаз рик1к1ана ва ах1ана куч1дул, рихьизаруна нек1сиял кьурдаби. Тадбир ана балагьаразе лъик1аб асар гьабулеб, г1ун бач1унеб г1елалъул умумузул бук1араб рук1а-рахъиналдеги, рахьдал мац1алдеги, адабияталдеги гъира ва рокьи базабулеб, лъик1аб даражаялда.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.