ХӀасан цӀалун вуго мадрасаялда, живго лъикӀав лъугьун, лъазабун буго гӀурус мацӀ, живго жиндаго чӀун хӀадурлъун экзаменалги кьун, лъугӀизабун буго Дербенталда букӀараб гӀурус училищеги. Байбихьуда XI. Гузунов хӀалтӀана Гъазигъумеки округалъул росабазул гӀакълучиясул хъулухъалда, цо заманалъ вукӀана Вицхи рахъалъул наиблъунги.

ХӀурият бахъулел соназ гьес кумек гьабуна багӀарал иартизаназе. Граждан рагъал лъугӀун хадуб, I925 соналде щвезегӀан хӀалтӀана районалъул исполкомалда ва батӀи- батӀиял советиял идарабазда.

Жиндирго кучӀдузулъ ХӀасаница загьир гьабулеб буго, пачаясул тӀадчагӀигун рекъон, бакӀалъул бечедал чагӀаз халкъалъе кьолеб гӀазаб, гьединго I877 соналъ ккарал лъугьа- бахъинал. ШагӀирасул руго рокьул кучӀдулги. ХӀасан Гузунов рикӀкӀуна рахьдал мацӀалда тӀоцебе басняби хъварав чилъун. Лаказул литератураялъе гьеб цӀияб жанр рикӀкӀуна ХӀасанил литературияб хӀаракаталъул беццулеб рахълъун.

БукӀанила - букӀинчӀила, БукӀинецин букӀинчӀила, БукӀинеги бегьулила Гьиндустаналда гӀункӀкӀила...

Гьеб цӀакъ бакъун букӀанила,

Гьеб цӀакъ къечон букӀанила, Тиранила, сверанила,

Свакан гъотӀокье щванила.

Сверухъе балагьанила,

Биххун, гьаракь борчӀанила, - БетӀергӀанасеб цӀулакьо

Ракьалде далун бугила.

Бохиялъ гӀункӀкӀ гӀоданила, ГӀажаиблъун лъугьанила,

- КочӀол бакънал тӀамунила, ТӀамурги хъван, кьурданила.

Бихьулищ цо талихӀилан, ХӀикмалъун балагьанила.

Гьале - дие сайгъатилан, Тамашалъун хутӀанила...

Сверун хӀажичагӀи

Анкьго нухалъ тирулила, -

АнцӀцӀул гуро, къоцӀул гуро, ГӀонкӀкӀоца гъветӀ сверанила.

Каранда ракӀ гьалданила, -

Гьадинаб давла гьечӀила!

Гьелда убач гьабунила, -

Маргьабалъ дандчӀваларила!

ГӀабул букъун, квананила,

КочӀол бакъан къотӀичӀила.

ТӀасан каратӀ гьабунила,

Жанибе нух рагьанила.

Рукъ къачӀараб батанила,

Къавулъ нигӀмат цӀакъабила,

Заман гӀедегӀун анила,

ГӀонкӀкӀое кеп букӀанила.

ГӀадалаб гьеб ургъичӀила,

БукӀинелде кӀвар кьечӀила,

Кванан хадуб кьижанила,

Кьижун хадуб квананила...

ГӀУНКӀКӀГИ ЦӀУЛАКЬОГИ

Нахъеги гӀункӀкӀ бакъанила, Къадарлъизе рекӀанила,

Къечалъ тӀул-ракӀ беканила, ТӀомгун рукьби хутӀанила.

Цинги къватӀиб бачӀанила, ЧӀаголъиялъ мугъ банила,

Унтун цӀа-кан баханила,

ЦӀулакьо гьелъ каканила.

Гьаниб маргьу лъугӀанила,

МагӀна гьадин бичӀчӀулила: Байбихьуда ургъичӀони,

Ахир гӀбдизе кколила.

ГӀокӀаб хӀалтӀи букӀинчӀила, Бакьучлъун кьаралъанила,

Гьеб цӀакъго гургинлъанила,

Г абурги бицалъанила.

Г ьанже рокъоб гьунарого,

Къорлъун дунял бихьанила,

Кьинги ихги сверанила,

НигӀмат мигьлъун тӀагӀанила.

КаратӀ къварилъун кканила, КъватӀибе нух щоларила,

I ьелъул магӀу чваханила,

I ьеб гӀодулеб хутӀанила...

193

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.