3 иргадулаб руц1ц1ен авар мац1алъул муг1алимзабазул Хундерил т1алъиялда Макьаст1а

Добавил(а): Джамиля Хабирахмановна Абдулахитова
методист ИМЦ Казбековского района.

Хириял гьудулзаби!
Рек1ее г1агарал дир маг1арулал!
Гьалеха,гьанже рег1ана дун руц1ц1еналъул х1акъалъулъ цодагьал раг1аби хъвазе.
Гьеб руц1ц1еналъ дие раг1абаздалъун бицун бажарунареб,кутакалда лъик1аб,рак1алдаса унареб асар гьабуна.
Бищун к1удияб рохел киназулго бук1ана,щибаб къоялъ рихьуларел,рик1к1а-рик1к1ада ругел гьудул-гьалмагъзаби,пишацоял,миллатцоял рихьизе щвей.Кутакалда цоцазде рак1 щун,цоцазухъ урхъун рук1ана киналго.
Гьединал данделъабаз киналго цолъизарула,гъункизарула,цоцазда гьоркьор гьуинлъизарула...

Дие бокьун буго К1УДИИИИИИЯБ БАРКАЛА кьезе нилъер миллаталъулги Дагъистаналъулги чух1и-Баху Шамиловнаялъе нилъер мац1ги,ц1арги,миллатги ц1униялъе гьабулеб бугеб х1алт1ухъ ва жиндицаго г1адин рух1ияб бечелъиялда сверун х1алт1и гьабизе цогидазулги гьадинал тадбираздалъун рак1 батизабиялъухъ ва гъира базабиялъухъ.
ИншаАллагь,Баху Шамиловна г1адал миллатцоял нилъеда хьолбохъ рук1аго нилъер къадруяб миллатги,мац1ги,бечедаб тарих,адабиятги нус-нус соназ кибениги кьурич1ого борхалъиялда хут1иялда дир рак1 ч1ола.Я Аллагь,кьеги гьелъие щулияб сахлъиги,халатал саназул г1умруги,гьабулелъулъ бит1ккейги.

МашаАллагь,киналго паналъизаруна рик1к1а-рик1к1ада ругел шагьараздасаги,росабалъаги рач1арал муг1алимзабазабазул къокъабаз,гьезул кеч1 ах1изе,рик1к1ине,кьурдизе,роль х1азе бугеб махщелалъ👍👏Кутакалда лъик1ал,г1адамазул рек1елъ даим хут1улел церерахъинал рихьизаруна киназго.

Я Аллагь,нужееги кьеги халатал саназул г1умруги,щулияб,дару х1ажалъулареб сахлъиги,гьабулеб ишалъулъ икъбалги.
Нужерго хъизан-лъималаздаса,ц1алдохъабаздаса рохун хут1аги.

Гьединго баркала,муг1алимзабазе гуребги киназего,гьениб гьабураб г1ахьаллъиялъухъ,нижги к1одо гьарун Хунзахъ т1алъиялде ч1араб х1ет1алъухъ.

ИншаАллагь,бач1унеб соналъ нилъ киналго,гьоркьоса чи камич1ого данделъила Ансадерил гъасда.

Гьабулеб данде билълъаги,рак1алда ругел мурадал т1ураги киназулго.

Ч1ахъаги маг1арулал,ч1ахъаги маг1арул мац1!!!

Мух1амад Манапов.

Бокьанищ? Бихье цойгидазда!

Добавлено: 17-07-2019, 12:30
0
219

Похожие публикации


Наверх