Мах1ачхъалаялда т1обит1ана "Бищун лъик1ав рахьдал мац1алъул муг1алим-2020" конкурс

2020 соналъул 4-5- 6 февралалда Мах1ачхъала шагьаралда т1обит1ана "Бищун лъик1ав рахьдал мац1алъул муг1алим-2020" конкурс. 22 школалда гьоркьоса г1ахьаллъи гьабуна 20 школалъул муг1алимзабаз. Конкурс бикьун бук1ана лъабго бут1аялде: т1оцебесеб къоялъ бук1ана самопрезентация, к1иабилеб къоялъ кьезе кколаан дарс, лъабабилеб къоялъ ц1унизе кколаян жюриялъ кьураб темаялда т1асан проект ва т1обит1изе кколаан классалъул саг1ат.
Конкурсалъул х1асилазда рекъон, бергьенлъи босана Мах1ачхъала шагьаралъул т1оцебесеб кадетазул школалъул авар мац1алъул муг1алим Нурх1ажиева Лейла Мух1амаднуцаловналъ.
Баркула Лейлада бергьенлъи.

Релълъарал макъалаби:

Пикру загьир гьабизе

Личный кабинет

Машгьурал макъалаби

Нилъер аслияб масъала ккола авар мацI ва адабият малъиялъул кIвар бугел суалазде тIолго жамгIияталъулго кIвар буссинаби, школазда миллиял мацIазда филологияб лъайкьеялда хурхарал батIи -батIиял суалал рагьизе рес кьейи, гьел цойидеги гьарун, жамгIияталъулго пикру хIисабалда, чIванкъотIарал, лъутIа- къотIарал хIукмаби рахъиялъул мурадалда, нилъер республикаялъул нухмалъулезда цере лъей. Ассоциациялъул кIиабилеб масъала ккола авар мацIалъул ва адабияталъул мугIалимзабазе методикияб кумек щвезаби, цоцазул махщалил бажариялъул ва хIалтIул хIалбихьиялъул цоцае бицине рес кьей, гьединго, сайт гьоркьоб ккун, цоцазулгун профессионалияб бухьен гьаби ва цогидал сетазул къокъабазулгун бухьен гьабизе рес кьей.