Авар мацIалъул муг1алимзабазул иргадулаб руцIцIен Болъихъ

Добавил(а): Джамиля Хабирахмановна Абдулахитова
методист ИМЦ Казбековского района.

Авар мац1алъул муг1алимзабазул иргадулаб руц1ц1ен

 

14-15 июлалъ Болъихъ районалда Г1анди х1орихъ авар мац1алъул муг1алимзабазул К1иабилеб Санайилаб Руц1ц1ен (слет) т1обит1изе бук1ин лъаларев чи къанаг1атги ватиларо маг1арулазда гьоркьов. Бичас биччани. Авар мац1алъул муг1алимзабазул Цолъиялъ гьенире ах1улел руго киналниги маг1арул ях1 - мах1 чорхолъ бугев ва маг1арул мац1 ц1унизе ва наслабазухъе кьезе х1аракат бахъулев вугев щинав чи.

Гьеб руц1ц1ен  буго, гьал х1укуматалъул гьураз лъаг1елалъ ч1уч1адизарурал муг1алимзаби ч1аголъизаризе, цоцазда рихьизе, лъай-хъвай гьабизе, цоцазе моралияб кумек щвезе, х1ухьбахъи гьабизе, нилъер мац1алъулги миллаталъулги берцинлъиги, къуватги, къадруги, къиматги бихьизе гьабулеб тадбир. Къвариг1ун буго рахьдал мац1 ц1униялъул гъазаваталда муг1алимзаби жалго гьеч1ого, гьезие кумекалъе киг1анги г1адамал нилъер рук1ин бихьизе ва гьеб кумек загьирлъизе. Цойги гьениб г1емераб ц1ияб жо лъазе бегьула, жиндирго бицине ва цойгидазул пикрабазухъ г1енеккизе бегьула, цо-цог1аги. щибизе къариг1араб жо маг1арул мац1», - илан абулев чи кант1изе бегьула. Х1асил калам: авар мац1алъул муг1алимзабазул руц1ц1ен т1обит1улеб буго лъик1аб нигатгун. Аллагьас кумек гьабиеги нилъее лъик1аб гьабизе, квешаб тезе!

Къокъго абуни, авар мац1алъул муг1алимзабазул руц1ц1еналда бук1ине буго:

 

Т1оцебесеб къо:

1. Руц1ц1ен рагьизе буго  11 ялда. Бухари т1аргъал лъурал ва хъах1ал гормендаби ч1варал муг1алимзабаз къалъизабизе буго Г1анди х1орил раг1ал. Балъхъадерил муг1алимзабазул къокъаялъ кутакалда берцинго бачине буго гьеб тадбир. Камураб кеч1-бакъанги, зурма-къалиги, кьурди-хъатги гьениб бук1ине гьеч1о. Болъихъ районалъул нухмалъулезе ва т1аде рач1арал гьалбадерие кьезе буго раг1и ва г1адатлъун билълъухъе, киназго цадахъ ах1изе муго маг1арулазул гимн.

2. Гургинаб стол «Рахьдал мац1  - миллаталъул рух1» байбихьизе буго 14ялда. Квана-гъанан, цодагьаб х1ухьбахъиги гьабун г1енеккизе руго авар мац1 г1ун бач1унеб г1елалда лъаялъе ва гьеб гьезие бокьизабиялъе щиб гьабун лъик1али бицине  ва киналго жидер пикраби загьир гьаризе бокьаразухъ ва цере лъезе руго ч1ванкъот1арал суалал. Гьенибго гьел раг1алде рахъинариялъе нухалги ратизе руго.

3. Гьелдаса хадуб, цодагьаб х1ухьбахъиги гьабун бук1ине буго муг1алимзабазул къокъабазда гьокьоб миллияб кванил конкурс «». Гьелъул гьаниб нилъеца бицинаро, нагагь доре рач1ун бажарич1ел чаг1азул хьулги лъун, нилъе х1акъ батич1ого бук1ине. Амма гьелдаса хадуб сураталг1аги рит1ич1огоги нилъеца эл теларо)).

Гьебгощинаб жоялда гьоркьобги, нилъее жидерго махщел бихьизабизе цере рахъине руго Балъхъадерил культураялъул х1алт1ухъаби ва т1аде рач1арал гьалбал. Руго гьезда гьоркьор рогьинег1ан ц1адуда сверун кеч1 ах1изе х1адурал нилъер гьудулзабиги, х1ет1е г1одоб хъвач1ого кьурдизе х1адурал муг1алимзабиги.

К1иабилеб къо

1. Хъах1лъи барабго берк1алги чурун, какалги ран, рекерун к1анц1ун физкультураги гьабун, гьалделаго маг1арул хурдузул чаялде данде чадил моч1уги х1анч1ун, байбихьизе буго к1иабилеб къо. Муг1алимзабазул къокъабазда гьоркьоб «Дир къадруяб авар халкъ» конкурс байбихьула 9ялда. Гьениб муг1алимзабазул къокъабаз 15 минуталда жаниб бихьизабизе ккола жидер бугеб щинаб махщел. Къокъаялъул презентация, кеч1 ах1изе, кьурдизе, сценаялда х1азе бугеб махщел, миллияб рет1ел ва гьеб гуреб цойгидабги. Жидерго церерахъинги бихьизабун киналго рук1ине руго гьеб къоялъ, цойгидазухъги ралагьун, х1ухьбахъиялда.

2. Киназулго церерахъинал лъуг1игун, жюриялъ х1асилал данде росизе руго ва бергьаразда баркизе буго 16 ялда. Т1оцебесеб бак1 ккураб къокъаялъе кьезе буго Цолъиялъул кубок ва т1асияб соналъ гьеб районалда яги шагьаралда бук1ине буго иргадулаб руц1ц1ен.

3. Киг1ан зах1матаб жо ч1агого рат1алъи бук1аниги, гьелдаса хадуб нилъеца, киналго гьеб т1обит1изе квербакъаразе ва гъорлъ г1ахьаллъи гьабуразе баркалаги кьун, руц1ц1ен къала 17ялда, т1адеялъулги гьадинго данделъизе хьулгун.

Киназулго рек1ел мурадал т1ураги, гьабулеб данде билълъаги!

Авар мац1алъул муг1алимзабазул

цолъиялъул нухмалъулей

Баху Мух1идинова

Бокьанищ? Бихье цойгидазда!

Добавлено: 12-07-2018, 01:22
0
302

Похожие публикации


Наверх